ஆஸ்திரேலியா ஓபன் கிராண்ட்ஸ்லாம் டென்னிஸ் தொடர் போட்டிகள் மெல்போர்னில் நடைபெற்று வருகிறது. இதன், ஆண்கள் இரட்டையர் பிரிவு இரண்டாவது சுற்று ஆட்டத்தில் இந்தியாவின் போபண்ணா – பிரான்ஸின் ரோஜர் வாசலின் ஜோடி, அர்ஜென்டினாவின் லியானார்டோ மேயர் – போர்சுகலின் சவுசா ஜோடியை எதிர் கொண்டது. இப்போட்டியில் போபண்ணா – ரோஜர் ஜோடி 6 க்கு 2, 7 க்கு 6 என்ற நேர் செட்களில் வெற்றி பெற்று, மூன்றாவது சுற்றுக்கு முன்னேறியது. மற்றொரு இரண்டாவது சுற்று போட்டியில் இந்தியாவின் திவிஜ் சரண் – அமெரிக்காவின் ராஜிவ் ராம் ஜோடி, இத்தாலியின் பேபியோ பாக்னினி – ஸ்பெயினின் கிரானலர்ஸ் ஜோடியை 4க்கு 6, 7க்கு 6, 6 க்கு 2 என போராடி வென்று, மூன்றாவது சுற்றுக்கு தகுதி பெற்றது.
2018-01-20