வங்கக்கடலில் உருவாகியுள்ள புதிய காற்றழுத்த தாழ்வு நிலையால், தமிழகம், புதுச்சேரியில் கடலோர மாவட்டங்களில் கனமழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

சென்னையில் செய்தியாளர்களை சந்தித்த , வானிலை ஆய்வு மைய இணை இயக்குநர் ஸ்டெல்லா, தென்மேற்கு வங்ககடல் மற்றும் அதனை ஒட்டியுள்ள இலங்கை பகுதியில் புதிய காற்றழுத்த தாழ்வு நிலை உருவாகியுள்ளதாக தெரிவித்தார். இதனால், தமிழகம், புதுச்சேரியில் ஓரிரு இடங்களில் கன மழை முதல்மிக கன மழை பெய்ய வாய்ப்புள்ளதாக அவர் தெரிவித்துள்ளார்.