ஆதார் விவரங்கள் பாதுகாப்பானது என்றும், முடிந்தால் எப்படி தவறாக பயன்படுத்த முடியும் என நிரூபித்து காட்டுமாறு, டிராய் தலைவர் ஆர்.எஸ்.ஷர்மா விடுத்த சவாலில் அவரே தோற்றுப் போயுள்ளார்.
அண்மையில் டிராய் தலைவர் தனது ஆதார் எண்ணை, தனது டுவிட்டர் பக்கத்தில் வெளியிட்டு, இதை தவறாக பயன்படுத்தி, தனது தகவல்களை திருட முடியுமா? என்பதை நிரூபித்துக் காட்டுமாறு சவால் விடுத்திருந்தார். இதை ஏற்ற ஒருவர், அவரது ஆதார் எண்ணை கொண்டு, அவருடைய முழு விவரங்களையும், மாற்று செல்போன் எண் உள்ளிட்டவற்றையும் வெளியிட்டார்.
பிரான்ஸ் சைபர் பாதுகாப்பு ஆராய்ச்சி பிரிவைச் சேர்ந்த ஒருவர், எலியட் ஆல்டர்சன் ((Elliot Alderson)) என்ற புனைப்பெயரில், டிராய் தலைவரின் சவாலை முறியடித்துள்ளார். தங்கள் பிறந்ததேதி, மாற்று செல்போன் எண், இருப்பிட முகவரி ஆகிவற்றை மட்டுமே வெளியிட்டதை திரும்ப பெற்றுக்கொள்வதாகவும், ஆதார் எண்ணை வெளிப்படையாக கூறுவது என்பது தவறான முன்னுதாரணமாகிவிடும் என்பதை மெய்பித்துக்காட்டுவதற்காகவே, தங்கள் தகவல்களை வெளியிட்டதாகவும், எலியட் ஆல்டர்சன் என்ற புனைப்பெயரில் சவாலை முறியடித்துள்ளவர் கூறியுள்ளார்.